Polos Creativos 25/26

Había unha vez, no noso cole, unha idea que comezou a camiñar amodiño, coma se fan as cousas importantes. Naceu dentro dos Polos Creativos e tiña un soño claro: volver mirar ás mans que durante séculos deron forma á historia de Galicia.

Así empezou unha viaxe polos oficios artesáns tradicionais, eses que gardan a memoria do noso pobo. O alumnado converteuse en investigador, aprendiz e creador, descubrindo como traballaban os artesáns e artesás, por que o facían así e que relación teñen estes oficios coa sostibilidade, a creatividade e o mundo actual. Non só aprenderon con libros, senón tamén coa experiencia, tocando, probando e sentindo.

E como en todo bo conto, chegou un final moi especial. Coincidindo co Día das Letras Galegas, o proxecto transformouse nunha feira tradicional galega, chea de vida, de saberes compartidos e de encontros entre pasado e presente. Un espazo onde distintas áreas do coñecemento déronse a man e a nosa cultura brillou con luz propia.

Ao rematar esta historia, os nenos e nenas comprenderon algo moi importante: que as mans, cando traballan con enxeño, respecto e dedicación, poden manter vivo un legado que nos pertence a todos. E así, entre aprendizaxes e emocións, seguiron escribindo unha pequena parte da nosa historia colectiva.