A nosa biblioteca escolar é moito máis ca un lugar para ler. É un espazo dinámico e creativo onde a aprendizaxe se converte nunha experiencia divertida e participativa.
Nela podes atopar unha ampla variedade de libros de lectura e de información para investigar, descubrir e deixar voar a imaxinación. Ademais, contamos con xogos educativos e propostas de gamificación que transforman a aprendizaxe nun reto motivador.
Tamén dispoñemos de materiais de robótica para deseñar, programar e crear, fomentando o pensamento lóxico e o traballo en equipo. E no noso recuncho de croma, o alumnado pode gravar vídeos e desenvolver proxectos audiovisuais de maneira creativa.
A nosa biblioteca é un lugar para ler, aprender, experimentar e crear. Un espazo aberto ás novas ideas… e a moitas posibilidades máis.
Bookflix CVA
A nosa radio escolar RTVA
O alumnado participa na creación de contidos, na preparación de guións, na realización de entrevistas, na gravación de programas e na difusión de actividades e proxectos do centro. Deste xeito, a radio convértese nunha ferramenta educativa que permite aprender facendo, desenvolver a autonomía e dar voz aos nenos e nenas.
Un proxecto que medra cada curso e que queremos seguir consolidando como un dos espazos de creatividade, comunicación e participación do noso colexio.
