Introdución
O proxecto “Xantares Galegos” xorde co obxectivo de realizar un percorrido pola gastronomía das principais cidades e pobos de Galicia, poñendo en valor os produtos típicos de cada rexión. Este proxecto leva a cabo no marco do Colexio Vista Alegre de Vigo, como parte das nosas iniciativas educativas que buscan integrar a tecnoloxía coa cultura e a tradición galega.
“Xantares Galegos” foi un proxecto que integra a tecnoloxía coa cultura, permitindo aos estudantes do Colexio Vista Alegre de Vigo achegarse ás súas raíces galegas de maneira interactiva e innovadora. A través desta viaxe pola gastronomía galega, non só aprendimos sobre a riqueza culinaria de Galicia, senón tamén sobre o uso de ferramentas tecnolóxicas e a importancia do traballo en equipo.
Presentamos os produtos traballados por aula no proxecto Xantares Galegos. Premendo nos códigos BIDI poderedes acceder aos sitios web creados por cada grupo, onde atoparedes toda a información sobre os produtos elixidos e unha memoria detallada de cada fase do traballo. Agardamos que gocedes da experiencia tanto como nós gozamos creándoa.
Filloas alumnado de Infantil
Polbo alumnado 1 de primaria
Vieira alumnado 2 de primaria
Mel alumnado 3 de primaria
Pementos de Padrón alumnado 4 de primaria
Pan de Cea alumnado 5 de primaria
Queixo San Simón Alumnado 6 de primaria
Mexillón polo alumnado 1 ESO
Cabazo polo alumnado 2 ESO
Requeixo polo alumnado 3 ESO
Choco polo alumnado 4 ESO
Obxectivos do Proxecto
O proxecto ten varios obxectivos fundamentais:
Fomentar o coñecemento da cultura e a gastronomía galega entre os estudantes e a comunidade educativa.
Promover o uso de novas tecnoloxías para a creación de contidos interactivos e visuais relacionados co tema do proxecto.
Desenvolver habilidades de investigación e comunicación mediante entrevistas a profesionais do sector gastronómico.
Favorecer o traballo en equipo e a participación activa dos estudantes nun proxecto colaborativo que abarca diversas disciplinas.
En prensa
Metodoloxía
Para a realización de “Xantares Galegos”, utilizouse o material proporcionado por Polos Creativos, co que o colexio foi dotado este ano. O uso destas ferramentas permitiunos aos estudantes integrar de maneira creativa as tecnoloxías coa representación de Galicia e a súa oferta gastronómica. A metodoloxía centrouse na aprendizaxe práctica, a investigación de campo e a participación activa dos alumnos.
Fases
- Investigación e selección de cidades: Farase un percorrido por diferentes localidades galegas como Santiago de Compostela, Ourense, Lugo, A Coruña, entre outras, seleccionando os produtos gastronómicos máis representativos de cada lugar, como o queixo de tetilla, o polbo á feira, a torta de Santiago, entre outros.
- Entrevistas a expertos do sector gastronómico: Utilizando o equipo de radio, os estudantes realizarán entrevistas a cociñeiros, panadeiros, queseros e outros profesionais do gremio en cada cidade, co fin de coñecer de primeira man a historia e tradición dos produtos locais.
- Creación de representacións en miniatura: Co uso da impresora 3D e a cortadora láser, os alumnos recrearán as cidades visitadas en maquetas. Ademais, cada maqueta estará equipada cun código BIDI gravado mediante láser que levará aos visitantes a sitios web interactivos onde se contará a historia da gastronomía de cada lugar.
- Gravacións dos estudantes: No estudo de gravación, os estudantes gravarán audios explicativos onde cada un achegará o seu coñecemento sobre o proceso de investigación e os produtos de cada cidade, brindando unha experiencia inmersiva e educativa.
Materiais e Ferramentas
Grazas aos recursos de Polos Creativos, contaremos con:
- Cortadora láser para gravar detalles das cidades e xerar os códigos BIDI que enlazarán aos sitios web con información adicional.
- Equipo de radio para a realización de entrevistas con profesionais do sector gastronómico.
- Estudo de gravación para que os estudantes poidan gravar explicacións e comentarios sobre o seu traballo no proxecto.
Cronograma
O proxecto desenvolveuse ao longo do curso escolar, coas seguintes fases:
Outubro a decembro: Investigación das cidades, selección de produtos gastronómicos e organización das entrevistas.
Xaneiro a marzo: Realización de maquetas 3D das cidades e gravación dos códigos BIDI.
Abril: Gravación dos audios no estudo e creación dos contidos multimedia.
Mayo: Presentación do proxecto ante toda a comunidade educativa.
Presentación Final
No mes de maio, realizouse unha presentación aberta a toda a comunidade educativa, na que os asistentes puideron “viaxar” polas distintas cidades galegas recreadas a través de produtos típicos. Ademais, tiveron a oportunidade de escanear códigos BIDI para acceder a información detallada sobre os produtos gastronómicos e as entrevistas realizadas.
A actividade culminou cunha degustación dos produtos tradicionais de cada rexión, como o pan de Cea, o queixo de San Simón, entre outros, e con xogos relacionados cos produtos expostos, todo acompañado de música tradicional galega.
Deixamos un resumo!